मोर छत्तीसगढ़ के माटी|Kantikartik Yadav CG Song Lyrics
मोर छत्तीसगढ़ के माटी तै भारत माँ के साटी
मै तोला नवावव माथा महतारी आती जाती
मोर छत्तीसगढ़ के माटी तै भारत माँ के साटी,
मै तोला नवावव माथा महतारी आती जाती
नवा बिहान के नवा सुरूज संग ग चिरगुन चहकन लागे
मोर पपीहा रम्हली बाम्हन फुदकत मया बगरागे
नयन के ज्योती ले साधे आरती करलव स्तुति भंजागे
माटी महतारी अटल कुंआरी माता के पद पागे
कल कल कल करथे सरिता, सुर के धरे हे थाथी
मै तोला नवावव माथा महतारी आती जाती
मोर छत्तीसगढ़ के माटी तै भारत माँ के साटी
मै तोला नवावव माथा महतारी आती जाती
CG Songs Lyrics Kantikartik Yadav
छत्तीसगढ़ के मया के रंग भारत माँ के सिंगार हे
दक्षिण कौशल पौरी हरे वो सुख के ये आधार हे
अन्न इहा के गुरमटिया माटी के सीख सधार हे
बजुर छाती के परसादे बेटा किसान के सरदार हे
येदे पेज पसिया अऊ मडिया घुघरी कुल्थी के सुहाती
मै तोला नवावव माथा महतारी आती जाती
मोर छत्तीसगढ़ के माटी तै भारत माँ के साटी,
मै तोला नवावव माथा महतारी आती जाती
अन्न हा माता दूध हरे वो जिनगी के निस्तारी हे
कोनो बेटा करे मजूरी कोनो बाबू अधिकारी हे
करम कमाई करे ल परही छत्तीसगढ़ महतारी हे
कोनो दरोगा हवलदार हे , सबों के सेवा दारी हे
नीति नियाव ला साधे, जीवन में जाती बिराती
मै तोला नवावव माथा महतारी आती जाती
मोर छत्तीसगढ़ के माटी तै भारत माँ के साटी
मैं तोला नवावव माथा महतारी आती जाती
Kantikartik Yadav Jas Geet
छत्तीसगढ़ के गढ़हइया मन ला घेरी बेरी परनाम हे
छत्तीसगढ़ी भाखा हे गुरतुर कोनो नई परमाण हे
दक्षिण कौसल के मान ला पाये जिहा खेले भगवान हे
श्रृंगी सिहावा बस्तर कोंटा जाने सरी जहान हे
तीरथगढ़ गंगा बोहाये चिल्फी घाटी हे बंधाती
मै तोला नवावव माथा महतारी आती जाती
मोर छत्तीसगढ़ के माटी तै भारत माँ के साटी,
मै तोला नवावव माथा महतारी आती जाती
भोर मा भोरम शिव गुण गाथे, तरिया म खोखमा मुस्काये
भौरा बैरी गुजार करत गा, मया म संझा लपटाये
डुंगरी डुंगर माता शक्ति अनहर मया ल बगराये
राजीव लोचन बैकुण्ठ हरे गा, सरग के सुख ल देवाये
कान्तिकार्तिक मौनी लाला संग सेवा करे दिन राती
मै तोला नवावव माथा महतारी आती जाती
मोर छत्तीसगढ़ के माटी तै भारत माँ के साटी
मैं तोला नवावव माथा महतारी आती जाती
मै तोला नवावव माथा महतारी आती जाती
About This CG Songs- गीत– मोर छत्तीसगढ़ के माटी गीत के बोल
स्वर – कान्तिकार्तिक यादव
गीत – मौनी लाला जी
संगीत- ओ पी देवांगन
