Rani Bastar Wali CG Song Lyrics
तोला भाँवर परा के,
सब ला नेवता देवा के
तोला भाँवर परा के ले जाहूँ
ये रानी बस्तर वाली
सरगुजिहा साड़ी पहिराहूँ
ये रानी बस्तर वाली
मोला सोनहा के कंगन
मोला चांदी के करधन
मोला सोनहा के कंगन देवा दे
ये मोरे जोड़ी जंवारा
सरगुजिहा साड़ी मै पहिनहूँ
ये मोर सरगुजिहा राजा
अंतरा 1
मखमल जइसे कनिहा तोरे
नागिन जइसे जुल्फे तोरे
इन्टा मा तोरे फोटो देखेव
आंखी ले मारे तै नैना के बान
ये रजनिगंधा के डाली जइसे
उगत सुरूज के लाली जइसे
होंठ दिखे तोरे अइसे जइसे
ले लेबे रानी का मोरे परान
तोरे गांवे मा आ के तोला भांवर परा के
तोरे गांवे मा आ के ले जाहूँ
ये रानी बस्तर वाली
सरगुजिहा साड़ी पहिराहूँ
ये रानी बस्तर वाली
अंतरा 2
माथा म तै हा पागा पहिरे
मंजुरा पाखी के कलगी पहिरे
नाचत गावत तै अइसे लागे
उड़ा के ले जाबे मोला कही
मोर मन के अंतस मा तै हा
मोर अंग मा नस नस मा तै हा
आजा लेजा मोला अब आ के
हावौ रेडी मै हा राजा अभी
ले आ बाजा गाजा
मोला भावरा परा जा
मोला भावर परा के ले जाना
ये मोरे जोड़ी जवारा
मोरे मांग ला तै हा सजाना
ये मोर सरगुजिहा राजा
तोला भाँवर परा के
सब ला नेवता देवा के
तोला भाँवर परा के ले जाहूँ
ये रानी बस्तर वाली
सरगुजिहा साड़ी पहिराहूँ
ये रानी बस्तर वाली
मोला सोनहा के कंगन देवा दे
ये मोरे जोड़ी जंवारा
सरगुजिहा साड़ी मै पहिनहूँ
ये मोर सरगुजिहा राजा
